PASA KANGGO NGENDHALENI HAWA NAFSU | Kliping Sastra Indonesia | Etnik dan Budaya
PASA KANGGO NGENDHALENI HAWA NAFSU Reviewed by maztrie on 6:27 AM Rating: 4,5

PASA KANGGO NGENDHALENI HAWA NAFSU

Ibadah Pasa mono tumrap umat Islam minangka salah siji kuwajiban sing kudu katindakake lan ora kena ditinggalake sajroning sesasi muput ing sasi Ramadhan utawa Pasa. Ibadah kasebut hukume wajib, kaya dene ibadah liyane, kayata sholat, zakat (sing cukup rejekine), lan haji (kanggo sing kuwat). Mesthi wae ibadah pasa kasebut diwajibake dening sing kuwat lan ora nduweni penyakit kronis. Semono uga tumrap kaum wanita sing lagi ngandhut lan dikuwatirake mbebayani, ora diwajibake nindakake ibadah pasa lan bisa diganti kanthi mbayar fidyah. Dene pawongan sing lagi nindakake lelungan adoh lan uga dikuwatirake nyengsarakake badan, bisa ngganti ing wektu liya. Tumrap pawongan sing nduweni penyakit taunan uga diwajibake ngganti fidyah.
Pancen ibadah pasa mono wis katindakake dening umat Islam suwe sadurunge jaman Rasulullah Nabi Muhammad SAW. Nganti tekan saiki, ibadah pasa tetep dadi kuwajiban tumrap kaum Islam saindenging jagad. Katindakake wiwit fajar utawa esuk sadurunge srengenge mlethek (Subuh) nganti tekan srengenge angslup (Maghrib). Yen ing Indonesia kira-kira suwene 14 jam. Dene yen ing cedhak kutub, kayata Rusia lan sapanunggalane bisa nganti luwih 16 jam.
Ya kanthi anane pasa kasebut diajab umat Islam padha bisa ngendhaleni sakabehing hawa nafsu, kayata seneng ngrasani, seneng nesu-nesu, ngomong elek lan saru, ngapusi, lan sapiturute. Ing sajroning nindakake pasa, ora kena mangan, ngombe, udud, utawa kumpul bojone (sing wis sesomahan) ing wiwit Subuh nganti dene Maghrib. Saliyane iku uga disunahake akeh nindakake amal kabecikan, kayata tetulung wong kanthi menehi takjil nalika buka pasa, maca Al Quran, sholat Tarawih, lan sapiturute. Kabeh mau kaajab supaya entuk ganjaran tikel-matikel saka Gusti Allah SWT. Saliyane iku ing tembe burine, supaya tumindake pawongan sing bubar nindakake pasa bisa tetap kajaga lan tansaya tambah apik, supaya ora gampang kebrongot tumindak nistha, kayata dadi teroris.

PUASA UNTUK MENGENDALIKAN HAWA NAFSU

Ibadah Puasa bagi umat Islam sebagai salah satu kewajiban yang harus dijalankan dan tidak boleh ditinggalkan sebulan penuh di bulan Ramadhan atau Puasa. Ibadah tersebut hukumnya wajib, seperti ibadah lainnya, sholat, zakat (bagi yang kecukupan), dan haji (bagi yang mampu). Meski saja ibadah puasa tersebut diwajibkan bagi yang mampu dan tidak mempunyai penyakit kronis. Bagitu pula bagi wanita yang sedang hamil dan dikhawatirkan berbahaya bagi kandungan, tidak diwajibkan melaksanakan ibadah puasa dan bisa diganti dengan membayar fidyah. Sementara bagi orang-orang yang sedang bepergian jauh dan juga dikhawatirkan bagi kesehatan badan, juga bisa mengganti puasa di waktu lain. Bagi orang-orang yang memiliki penyakit menahun (kronis) juga diwajibkan mengganti dengan membayar fidyah.
Memang ibadah puasa itu sudah dilakukan oleh umat Islam lama sebelum zaman Rasulullah Nabi Muhammad SAW. Hingga sekarang, ibadah puasa tetap menjadi kewajiban bagi kaum Islam di seluruh dunia. Puasa dilakukan mulai fajar atau pagi sebelum matahari terbit (saat Subuh) hingga matahari terbenam (saat Maghrib). Jika dilaksanakan di Indonesia kira-kira selama 14 jam. Sementara jika di dekat kutub, misalnya di daerah Rusia dan sekitarnya bisa mencapai lebih 16 jam.
Ya dengan adanya puasa tersebut diharapkan umat Islam bisa mengendalikan seluruh hawa nafsu yang membatalkan puasa, seperti suka menggunjing (ngrumpi), suka marah-marah, berbicara jelek dan kasar, bohong, dan sebagainya. Selama menjalankan puasa, tidak boleh makan, minum, merokok, atau berkumpul istri/suami (bagi yang sudah berkeluarga) mulai dari Subuh hingga Maghrib. Selain itu juga disunahkan banyak melaksanakan amal kebaikan, seperti menolong orang dengan mengeluarkan takjil ketika berbuka puasa, membaca Al Quran, sholat Tarawih, dan sebagainya. Dengan semua itu diharapkan agar mendapat pahala berlipat kali dari Gusti Allah SWT. Selain itu di kemudian hari, supaya perbuatan setiap orang yang selesai menjalankan ibadah puasa bisa tetap terjaga dan semakin bertambah baik, supaya tidak mudah tergoda bertindak jahat, seperti menjadi teroris. [pakdhedar]